मोरंग, २१ कात्तिक ।
 
नेकपा (एमाले)का केन्द्रिय प्रचार विभाग प्रमुख एवम सचिव योगेश भट्टराईले मधेशमा दुई प्रदेश संयुक्त मधेसी मोर्चाको माग नभएर भारतको माग भएको आरोप लगाए ।

छिमेकी मुलुक भारतको उक्साहटमा मधेसी नेताहरुले उठाएको मधेशमा दुई प्रदेश कुनै हालतमा सम्भव नहुने बताए । नेकपा (एमाले) डाँगीहाट गाँउ कमिटिले मोरंगको भानुभत्त इंग्लिस स्कुलमा आयोजीत चियापान तथा शुभकामना आदनप्रदान कार्यक्रममा भटट्राईले यस्तो धारणा राखेका हुन् ।

तत्कालिन भारतका प्रधानमन्त्री जवाहरलाल नेहरुदेखि इन्दिरा गान्धी हुँदै अहिलेका प्रधानमन्त्री नरेन्द्र मोदी समेतले नेपाललाई भारतमा विलय गराउने निरन्तरता भएको पनि उनले बताए । नेपालको संबिधानप्रती असहमती जनाउने बहानामा भारतले नेपाललाइ टुक्रयाउने खेल खेलिरहेको उनले आरोप लगाए ।