दोलखाको लापिलाङ केन्द्रबिन्दु बनाएर भूकम्पको धक्का

काठमाडौं, २२ माघ । शनिवार साँझ ५ बजेर ५८ मिनेटमा दोलखलाई केन्द्रबिन्दु बनाउँदै ४.४ म्याग्निच्यूडको भूकम्पको धक्का महसुस भएको छ ।

राष्ट्रिय भूकम्प मापन केन्द्रका अनुसार दोलखाको लापिलाङलाई केन्द्रबिन्दु बनाएर ४.४ म्याग्निच्यूडको भूकम्प गएको हो ।

धक्कालाई मापन केन्द्रले २०७२ वैशाख १२ गतेको शक्तिशाली भूकम्पकै परकम्प भएको जनाएको छ ।

यसअघि डिसेम्बर २८ तारिखमा रामेछाप र सोलुखुम्बुको सिमानालाई केन्द्र बनाएर ५.६ म्याग्निच्यूडको परकम्प गएको थियो ।

केन्द्रका अनुसार गोरखा भूकम्पयता ४ म्याग्निच्यूड माथिका चार सय ७५ परकम्प गइसकेका छन् ।

Write Down Your Responses